नवलपरासी प्रतिनिधिसभा निर्वाचन क्षेत्र नं. २ को प्रतिनिधिसभा र प्रदेशसभातर्फको समानुपातिकमा राप्रपाले अग्रता लिएको छ । दुवै क्षेत्रमा दोस्रोमा नागरिक उन्मुक्ति पार्टी छ । तेस्रोमा नेपाली कांग्रेस रहेको छ । प्रदेशसभातर्फ राप्रपाको ३ हजार ७१२ मत छ ।

कैलाली क्षेत्र नम्बर ३ बाट नागरिक उन्मुक्ति पार्टीले प्रतिनिधिसभा सदस्यमा खाता खोलेको छ। उक्त क्षेत्रबाट उक्त पार्टीका गंगाराम चौधरी २३ हजार १२० मतसहित विजयी भएका हुन्। नेकपा माओवादी केन्द्रका कृष्णकुमार चौधरी १७ हजार ७४९ मतसहित निकटतम् प्रतिद्वन्द्वीमा सीमित भएका छन्। उनी सत्ता गठबन्धनका उम्मेदवार हुन्।

प्रमुख राजनीतिक दलका थारू नेताहरू प्रतिनिधिसभातर्फको मतगणनामा पछि परेका छन्। नेपाली कांग्रेस र नेकपा एमालेका थारू नेताहरू मतगणनामा पछि परेका हुन्। कांग्रेसका विजय कुमार गच्छदार सुनसरी ३, पदमनारायण चौधरी सिरहा १, उमाकान्त चौधरी बारा १, सुरेन्द्र चौधरी पर्सा ३ र रामजनम चौधरी कैलाली १ मा पछि परेका छन्।

नागरिक उन्मुक्ति पार्टीले कैलालीको ३ वटा र बर्दियाको दुई वटा क्षेत्रमा अग्रता लिएको छ। कैलाली क्षेत्र नं ३ मा नागरिक उन्मुक्तिका गंगाराम चौधरी विजय नजिक पुगेका छन्। उनी २० हजार २३४ मतहसति अग्रस्थानमा छन्। उनका प्रतिद्वन्द्वी माओवादीका कृष्णकुमार चौधरीले १४ हजार ९४६ मत पाउँदा एमालेका गौरीशंकर चौधरीले ८ हजार...

प्रमुख राजनीतिक दलबाट दुई जना थारू नेताले मतगणनामा अग्रता लिएका छन्। नेपाली कांग्रेसका नेता एवं सप्तरी क्षेत्र नं ४ का उम्मेदवार तेजुलाल चौधरी १४१२ मतसहित अग्रस्थानमा छन्। दोस्रोस्थानमा जसपाका बालकिशोर यादवले ७८४ मत पाएका छन्।

बर्दिया क्षेत्र नं २ मा नागरिक उन्मुक्ति पार्टीले समर्थन गरेको स्वतन्त्र उम्मेदवार लालवीर चौधरीले ३४३६ मतसहित अग्रता लिएका छन्। दोस्रोमा माओवादी उम्मेदवार सुरेश पन्थ १९१० मत ल्याएका छन् भने तेस्रोमा एमालेका पंकजसिंह राठौरले १००२ मत ल्याएका छन्।

सप्तरी क्षेत्र नं १ मा नेपाली कांग्रेसका तेजुलाल चौधरीले सुरुवाती अग्रता लिएका छन्। चौधरीले १२३ मतसहित अग्रता लिएका हुन्। त्यस्तै दोस्रोमा जनमत पार्टीका सुकदेवप्रसाद साहले १०२ मत र तेस्रोमा जनता समाजवादी पार्टीका बालकिशोर यादवले १०१ मत ल्याएका छन्।

मोरङको क्षेत्र नं. ४ को प्रतिनिधि सभातर्फको मतगणनामा नेकपा माओवादी केन्द्रका अमनलाल मोदीले अग्रता लिएका छन्। हालसम्म २१४० मत गणना हुँदा मोदीले ११४७ मत प्राप्त गरेका हुन्। आफ्ना प्रमुख प्रतिस्पर्धी एमालेका विनोद ढकालको तुलनामा उनले ५१८ बढी मत प्राप्त गरेका हुन्।

कैलाली क्षेत्र नं. ३ मा नागरिक उन्मुक्ति पार्टीले अग्रता लिएको छ। ३ हजार २९५ मत गणना हुँदा नागरिक उन्मुक्तिका गंगाराम चौधरीले ११०० मत प्राप्त गरेका छन्। त्यस्तै माओवादीका उम्मेदवार कृष्णकुमार चौधरीले ८५०, राप्रपाका वीरेन्द्रबहादुर बमले ६५० र नेकपा एमालेका गौरीशंकर चौधरीले ५५० मत प्राप्त गरेका छन्।