थारु समुदायको इतिहास तथा पहिचानसँग जोडिएको बरघर प्रणालीको नामले राजापुर नगरपालिकाको वडा नं. २ मा जोतपुर गाउँदेखि ग्वारीसम्म १४०० मिटर लामो र ८ मिटर चौडाई रोड निर्माण गरिएको छ।

नेपाली कांग्रेसका सभापति शेरबहादुर देउवा पत्नी आरजुलाई प्रतिनिधिसभा चुनावमा पराजित गरेका नारदमुनी राना मन्त्री भएका छन्। प्रधानमन्त्री केपी शर्मा ओलीले उनलाई वन मन्त्रालयको जिम्मेवारी दिएका छन्।

कोरोनाबाट संक्रमित भएका संघीय सांसदहरुको नामावली सार्वजनिक भएको छ। संसद सचिवालयका अनुसार एमालेका १४ जना सांसदमा कोरोना संक्रमण देखिएको छ। त्यस्तै जनता समाजवादी पार्टीका ४ र नेपाली कांग्रेसका दुई जनामा कोरोना संक्रमण देखिएको छ।

नेपाली कांग्रेस दाङका नेता दीपक चौधरीको उपचारका क्रममा काठमाडौंमा निधन भएको छ । घोराही उप–महानगरपालिका वडा नं. ८ स्यानी गाउँ निवासी ४२ वर्षीय चौधरीको बुधबार बिहान निधन भएको नेपाली कांग्रेसका केन्द्रीय सदस्य योगेन्द्र चौधरीले जानकारी दिए ।

नेकपा एमालेका अध्यक्ष केपी शर्मा ओलीले वरिष्ठ नेता माधवकुमार नेपाल समूहका थप तीन जनालाई स्पष्टीकरण सोधेका छन् ।

पूर्व स्वास्थ्यमन्त्री एवं कांग्रेस नेता रामजनम चौधरी दम्पति कोरोनाबाट संक्रमित भएका छन्। उनीहरु चार दिनदेखि सेती प्रादेशिक अस्पतालको कोभिड अस्थायी अस्पतालमा उपचाररत छन्।

कोरोना भाइरसको संक्रमणबाट संविधानसभा सदस्य रबनी चौधरीको निधन भएको छ। धनगढीको नवजीवन अस्पतालमा उपचाररत उनको आइतबार दिउँसो मृत्यु भएको पारिवारिक स्रोतले बताएको छ।

नेकपा एमालेका अध्यक्ष केपी शर्मा ओलीले अन्तर पार्टी निर्देशन जारी गर्दै सुनसरी जिल्ला इन्चार्जमा भगवती चौधरीलाई थप गरेका छन्। जगदीश कुसियतलाई इन्चार्जको जिम्मेवारी दिइएपछि १० वैशाखको बैठकमा असन्तुष्टि जनाउँदै चौधरी बाहिरिएकी थिइन्।

कोरोना संक्रमण बढ्दै गएपछि बाँके र बर्दियामा आजबाट एक साता निषेधाज्ञा लागु हुँदै छ । निषेधाज्ञा मध्यरातिदेखि लागू हुने छ। यसअघि वैशाख ८ गतेदेखि १५ गतेसम्म बाँकेको नेपालगञ्ज उपमहानगर क्षेत्रभित्र मात्र लकडाउनको निर्णय गरिएको थियो।