शुक्लाफाँटा नगरपालिका-१० झलारीका वीरेन्द्र चौधरीले मजदुरी नगरे परिवारको खर्च चल्दैन। तीन वर्षदेखि उनले झलारी बजारमा सिमेन्ट, सरिया लोड अनलोडको कार्य गर्दै आएका छन्। लोड अनलोडको कार्य गरेबापत आउने रकमले घर खर्च चल्दै आएको उनले बताए।

स्थानीय चुनाव नजिकिदै गर्दा रेशम चौधरीले नेतृत्वको पार्टी ‘नागरिक उन्मुक्ति पार्टी’मा विभिन्न दल परित्याग गर्नेहरु देखिएका छन्। आइतबार काठमाडौंमा पत्रकार सम्मेलन गरी मनिष लामा, सोनाम घिसिङलगायत नेताहरु नागरिक उन्मुक्ति पार्टीमा प्रवेश गरेका छन्।

थारू पत्रकार संघ नेपाल चितवन शाखाको नयाँ कार्यसमिति चयनसँगै पद हस्तान्तरण गरिएको छ। नारायणगढस्थित होटल ह्याप्पी होममा बिहीबार आयोजित कार्यक्रममा सुमित्रा महतो नेतृत्वको पूर्व कार्यसमितिले नवनिर्वाचित दीपेश चौधरी नेतृत्वको कार्यसमितिलाई पद हस्तान्तरण गरेको हो।

स्थानीय निर्वाचनका लागि सरकारले एक लाख म्यादी प्रहरीका लागि भर्ना खुलाएको छ। प्रहरी प्रधान कार्यालयल‍े मंगलबार भर्नाका लागि विज्ञापन खुलाएको हो। नेपाली नागरिकले चैत ६ गतेदेखि ११ गतेसम्म आवेदन दिन सकिने विज्ञापनमा उल्लेख छ।

पश्चिम तराईका थारू समुदाय (रानाथारू बाहेक) ले होलीमा नयाँ आगो बाल्ने चलन छ । गाउँको देउथानमा बालिएको आगो सबैका घरमा ल्याएर बाल्ने परम्परा रहेको छ । होलीको अघिल्लो साँझ सबैले आफ्ना घरका चुलाको पुरानो आगो निभाउने र नयाँ आगो बाल्ने चलन रहेको टीकापुर–१ का दिलबहादुर चौधरीले बताए ।

१८ महिने बालिकाको बलात्कारपछि हत्या गरेको आरोपमा प्रहरीले दुई जनालाई पक्राउ गरी सार्वजनिक गरेको छ। मोरङको सुन्दरहरैँचा नगरपालिका-७, गणेशपुरकी ती बालिकाको बलात्कारपछि हत्या गरेको आरोपमा सोही ठाउँका २५ वर्षीय अजय चौधरी र २८ वर्षीय मिथुन चौधरीलाई मोरङ प्रहरीले पक्राउ गरेको हो।

प्रेस चौतारीको अध्यक्षमा गणेश बस्नेत पुनः चयन भएका छन् । पोखरामा आइतबार सम्पन्न नवौँ राष्ट्रिय महाधिवेशनले बस्नेतको अध्यक्षतामा १७ पदाधिकारीसहित एक सय ५१ सदस्यीय केन्द्रीय कार्यसमिति सर्वसम्मत चयन गरेको हो ।

लखागिन थारु उत्थान मञ्च वीरेन्द्रनगरको प्रथम साधारण सभासम्पन्न भएको छ । कार्यक्रममा सुर्खेतको संस्कृति सम्वन्धि अनुसन्धानमूलक लखागिन जर्नलको पहिलो अंक विमोचन गरिएको हाे । साधारण सभाबाट मञ्चमा नयाँ कार्य समितिसमेत चयन गरेको छ ।

थारु पत्रकार संघ चितवनको आज सम्पन्न भएको चौथो अधिवेशनमा चितवन शाखाका संस्थापक अध्यक्ष कारी महतो सम्मानित भएका छन्। चितवन जिल्ला शाखा स्थापना गरी लगातार दुई कार्यकालसम्म अध्यक्षको जिम्मेवारी पूरा गरेका महतोलाई अधिवेशनमा सम्मानित गरिएको हो।