किशोर चौधरी। फागुन २३ गते सप्तरीको राजविराजस्थित गजेन्द्रनारायण औद्योगिक क्षेत्रमा नेकपा एमालेले मेची-महाकाली अभियानअन्तरगतको कार्यक्रम गर्दै थियो। कार्यक्रम चलिरहेको बेला मधेशी मोर्चाका कार्यकर्ता कार्यक्रम विथोल्न हरप्रयास गरिरहेका थिए। दिनभरिजसो नै मधेसी मोर्चाका कार्यकर्ताको प्रयास विफल पार्दै गयो सुरक्षाकर्मीले।

मधेसी मोर्चाले आफ्ना माग पूरा गर्न सरकारलाई सात दिनको सयमसीमा दिएको छ। उसले समयसीमा भित्र माग पूरा नभए समर्थन फिर्ता लिने जानकारी पनि प्रधानमन्त्री पुष्पकमल दाहाललाई गराएको छ। मोर्चाका नेताहरूले बुधबार प्रधानमन्त्रीलाई पाँचबुँदे मागपत्र बुझाउँदै यस्तो अल्टिमेटम दिएको हो। मागपत्र बुझाउन मोर्चाका नेता प्रधानमन्त्री निवास बालुबटार पुगेका थिए।

१९ वर्षअघि बिहे गरेर चितवनबाट दाङ गएकी सांसद रूक्मिणी चाैधरीले अाफू माइती गाउँ अाउँदा पहाडी समुदाय बसाेबास गरेकाे बाटाे पीचैपीच भएकाे तर थारूहरू बसाेबास गरेकाे बाटाे धुलैधुलाे भएकाेमा दु:ख व्यक्त गरेकी छन्। उनले यसकाे कारण अरूलाई नदिई अाफ्नै समुदायलाई दिएकी छन्।

नेपाली कांग्रेसका सांसद तेजुलाल चौधरीले गृहजिल्ला सप्तरीमा घटनाप्रति दुःख ब्यक्त गरेका छन्। सप्तरीका क्षेत्र नम्बर ५ का निर्वाचित सांसद चौधरीले घाइतेहरुको निशुल्क उपचारको माग गरेका छन्।

नयाँ शक्ति नेपालका नेता सुरेन्द्र चौधरीले अन्तर्राष्ट्रिय निकायहरुलाई तराई मधेसमा रोक लगाउनुपर्ने बताएका छन्। उनले तराई मधेसका घटनामा दुःख ब्यक्त गर्ने काममात्र गरेको भन्दै संयुक्त राष्ट्र संघका एजेन्सीहरुलाई तराई मधेसमा रोक लगाउनुपर्ने बताएका हुन्।

कारी महतो/चितवन। फागुन २३ गतेको दिन कसैले भुल्न नहुने र मैले भुल्न नसकेको दिन हो। साँच्चै यो कस्तो दिन होला? मैले किन भुल्न नसकेको हो? तपाईँहरुलाई खुल्दुली लाग्न सक्छ। यो खुल्दुली मेटाउनको लागि यहाँ केही लेख्न खोज्दैछु। 

थरुहट तराई पार्टी नेपाल महाधिवेशन सरेको छ। केन्द्रीय सचिवालय बैठकले चैत ४, ५ र ६ गते हुने भनिएको महाधिवेशन चैत २३, २४ र २५ गतेका लागि सारिएको हो।  बैठकले महाधिवेशनको स्थान भने साबिककै ठाउँ कैलालीमा हुनेछ।

संयुक्त थारु राष्ट्रिय मोर्चाले सप्तरी घटनाको विरोध गरेको छ। संयोजक श्रवन थारुले एक विज्ञप्ती जारी गर्दै घटनाको भर्त्सना गरेका छन्।  ‘टीकापुर घटनाकै शैलीमा योजनाबद्ध तरिकाले सप्तरी घटना एकल जाति, वर्गको संरक्षण, सम्बर्द्धनको लागि सिंगो सुरक्षा निकाय प्रयोग भएकोप्रति संयुक्त थारु राष्ट्रिय मोर्चाको ध्यानाकर्षण भएको छ,’ विज्ञप्तीमा भनिएको छ।

टीकापुर घटना घटाएको अभियोगमा पुर्पक्षको लागि जेल चलान गरिएका थरुहट नेता लक्ष्मण थारू र लाहुराम चौधरी सप्तरी गोली काण्डको विरोध गर्दै जेलबाटै गर्जेका छन्। कैलाली कारागारमा रहेका उनीहरुले मंगलबार एक विज्ञप्ती जारी गर्दै नेकपा एमालेको अहंकारी, अडम्बरीपन र प्रशासनको जंगलीपनको कारण सप्तरीमा सर्वसाधारण आन्दोलनकारी उप्पर गोली चलाइएको ठहर गरेका छन्।