राष्ट्रिय जनता पार्टीका नेता राजेन्द्र महतो विजयी भएका छन् । बहुप्रतिक्षित मानिएको धनषा क्षेत्र नम्बर ३ मा कांग्रेस नेता बिमलेन्द्र निधिलाई हराउँदै महतो विजयी भएका हुन् ।

बर्दिया प्रदेश सभा-१ ‘क’ मा बाम गठबन्धनका तर्फबाट नेकपा एमालेका कविराम थारु २३५६० मतले विजयी भएका छन्। उनले निकट्तम प्रतिद्वन्द्वी लोकतान्त्रिक गठबन्धनका सोदे बिस्टलाई २३६७ मतले पराजित गरेका हुन्। विस्टले २११९३ मत प्राप्त गरेका हुन्। 

नेपाली कांग्रेसले पर्साको प्रदेश सभामा खाता खोलेको छ। पर्सा क्षेत्र नम्वर ४ (क)मा कांग्रेसका शंकर चौधरीले विजय हासिल गरेको हो। एमालेका पुर्व सभासद जयप्रकाश थारुलाई पराजित गर्दै नेपाली कांग्रेसका पुराना नेता शंकर चौधरी निर्वाचित भएका छन्। शंकरले जयप्रकाशलाई ४४८ मत अन्तरले पराजित गरेका हुन्।

थारु समुदायमा कैलालीको क्षेत्र नम्बर १ चर्चाको विषय बनेको छ। यहाँ टीकापुर घटनाका मुख्य अभियुक्त भनिएका रेशम चौधरी प्रतिनिधि सभा उम्मेदवार छन्। पछिल्लो परिणाम अनुसार उनी चार गुणा बढी मतले अगाडि देखिन्छन्। उसो भए रेशम चौधरी विजयी बन्छन्? आम थारुहरुको मनमा यही प्रश्नले जडा गाडेको छ।

बर्दिया क्षेत्र नम्बर २ ख मा माओवादीको प्रदेशसभा उम्मेदवार दीपेश थारु विजयी भएका छन्।उनले २३६३२ मतसहित विजयी भएका हुन्। उनका निकट्तम प्रतिद्वन्द्वी नेपाली कांग्रेसका उम्मेदवार नाचुराम थारुले १७९१२ मत पाए। यो बर्दियाको थारु गढ मानिन्छ।

थारुहरुले हेभिवेटको रुपमा हेरिरहेको सुनसरी क्षेत्र नम्बर ३ मा एमालेका भगवती चौधरीले अग्रता लिएकी छन्। उनी ३२५७० मतसहित अग्रस्थानमा छन्। कांग्रेसका उम्मेदवार विजय गच्छदार ३२५२  सय मत ल्याएका छन्। गच्छदार ४४ मतले पछाडि छन्। त्यस्तै प्रदेशतर्फ क्षेत्र ३(ख)मा कांग्रेसका अगम लाल चौधरी १३४०३ मतसहित अग्रस्थानमा छन्। त्यस्तै एमाले रामदेव यादवले १०८४९ मत...

सप्तरी क्षेत्र नं २ बाट संघीय समाजवादी फोरम नेपालका अध्यक्ष उपेन्द्र यादव भारी मतान्तरले विजयी भएका छन्। जिल्ला मुख्य निर्वाचन कार्यालयका अनुसार संघीय फोरम अध्यक्ष यादवले २१ हजार ६२० मत ल्याएर विजयी भए। उनका निकटतम प्रतिद्वन्द्वी वाम गठबन्धनतर्फबाट नेकपा (माओवादी केन्द्र) का उमेशकुमार यादवले ११ हजार ५८० प्राप्त गरे।

गोरखा क्षेत्र नं. २ को प्रतिनिधि सभा सदस्यमा नयाँ शक्ति पार्टी नेपालका उम्मेदवार डा. बाबुराम भट्टराई विजयी भएका छन्। निकटतम प्रतिद्वन्द्वी नेकपा माओवादी केन्द्रका उम्मेदवार नारायणकाजी श्रेष्ठलाई ६ हजार ८ सय ७४ मतान्तरले पराजित गरेका हुन्।

कैलालीको क्षेत्र नं. ५ को पछिल्लो मतपरिणाम प्राप्त भएको छ । प्राप्त पछिल्लो अपडेट अनुसार नेकपा एमालेका उम्मेदवार नारदमुनि रानाले अग्रता कायम गरेका छन् । रानाले २१६३९ मत ल्याउँदा कांग्रेस उम्मेदवार आरजु राणाले १८८७३ मत ल्याउँदै पछ्याइरहेकी छिन् । राष्ट्रिय जनता पार्टीका उम्मेदवार लक्ष्मण चौधरीले ५ हजार बढी मत ल्याएका...