नेपाली कांग्रेसले सोमबार प्रतिनिधिसभातर्फको समानुपातिक सूची निर्वाचन आयोगमा बुझाएको छ। कांग्रेसले थारु समुदायबाट तीन जनाको नामावली बुझाएको छ। पूर्वसांसद सिरहाका पद्मनारायण चौधरी, दाङकी पार्वता डिसी चौधरी र सप्तरीकी नमिता कुमारी चौधरी सूचीमा अटेका छन्। यद्यपि निर्वाचन आयोगले सोमबारै सूची सच्याउन पत्राचार गरेको छ।

संघीय समाजवादी फोरम नेपालले प्रतिनिधिसभाको ६ समानुपातिक सांसद छानेको छ । फोरमबाट सहअध्यक्ष राजेन्द्र श्रेष्ठसँगै सरिता गिरी र रेणु यादव सांसद बन्ने भएका छन् । यस्तै कलुदेवी विक, रेणुका गुरुङ र रुही नाजको नाम सिफारिस भएको छ ।

नेकपा एमालेले प्रतिनिधिसभा समानुपातिकतर्फ थारु समुदायबाट तीन जना थारु महिला छनौट गरेको छ। पूर्वसांसद शान्ता चौधरी, गंगा सत्गंवा थारु र लक्ष्मीकुमारी चौधरीलाई एमालेले थारुको महिला कोटातर्फ छनौट गरेको हो। पुरुषतर्फ भने कुनै थारु समुदायका कोही परेनन्।

५६ सिटका लागि बुधबार भएको राष्ट्रियसभा निर्वाचनमा थारु समुदायबाट कैलालीका हरिराम चौधरी निर्विरोध भएका छन्। उनी ७ नम्बर प्रदेशमा माओवादीबाट निर्विरोध भएका हुन्। बाँकी कुनैपनि प्रदेशमा थारुको उपस्थिति देखिएन। 

प्रदेश नं. ७ का सांसदहरुले सुदुर पश्चिमको विकासको लागि साझा संकल्प बनाउनु पर्नेमाा जोड दिएका छन् । आइतवार धनगढीमा भएको पहिलो प्रदेश सभा बैठकमा बोल्ने ४ दलका सांसदहरुले यसअघि पिछडिएको सात नम्बर प्रदेश अब विकास र समृद्धिको चरणमा प्रवेश गर्ने विश्वास लिएका हुन् ।

संघीय समाजवादी फोरमका वरिष्ठ उपाध्यक्ष मोहम्मद लालबाबु राउत प्रदेश २ को मुख्यमन्त्री बन्ने लगभग निश्चित भएको छ । जनकपुरमा आइतबार करिब पाँच घन्टा चलेको फोरमको बैठकले राउतलाई संसदीय दलको नेता बनाउने निर्णय गरेको छ ।

नेकपा (एमाले) र नेकपा (माओवादी केन्द्र)बीच प्रदेश सरकार र प्रदेश व्यवस्थापिकाको नेतृत्व बाँडफाँडका विषयमा सहमति भएको छ ।एमालेको संसदीय दलको कार्यालयमा पार्टी एकता संयोजन समितिद्वारा गठित कार्यदलको आज बसेको बैठकले दुई पार्टीबीच प्रदेशको मुख्यमन्त्री र प्रदेश सभामुख पदको साझा उम्मेदवारी दिने सहमति गरी संयोजन समितिसमक्ष सुझाव पेश गरेको हो...

विमला चौधरी/नेपालगञ्ज। बाम गठबन्धनका थारु अगुवा नेता तथा कार्यकर्ताहरुले राष्ट्रिय सभाको लागि बाँकेबाट थारु उम्मेदवारको सुनिश्चिताको माग गरेका छन् । बाम गठबन्धन थारु अगुवा कार्यकर्ता, बाँकेले आइतबार नेपालञ्जमा संयुक्त पत्रकार सम्मेलन गरेर यस्तो माग गरेका हुन् ।

लखन चौधरी/धनगढी। प्रदेश नं. ७ का प्रदेश सांसदहरुले आज (आइतवार) शपथ ग्रहण लिएका छन् । प्रदेश प्रमुख मोहनराज मल्लले ज्येष्ट सांसद दिब्यश्वरी शाहलाई सपथ ग्रहण गराएपछि बाँकी सांसदहरुलाई सांसद शाहले शपथ ग्रहण गराएकी हुन् ।