चितवन – नेकपा (एमाले) का वरिष्ठ नेता माधवकुमार नेपालले एकीकृत नेकपा (माओवादी)ले गणतन्त्र कमजोर बनाउन खोजेको भन्दै चिन्ता व्यक्त गरेका छन् । नेकपा एमाले क्षेत्र नं ५ चितवनले आज माडीको वसन्तपुरमा आयोजना गरेको जनसभालाई सम्बोधन गर्दै उनले गणतन्त्रका प्रतिक राष्ट्रपतिलाई धम्काएर विवादमा ल्याउन खोजेको आरोप लगाउ।

भक्तपुर- संस्कृति तथा पर्यटनमन्त्री पोष्टबहादुर बोगटीले नेपाली काँग्रेस, नेकपा (एमाले)ले आलङ्कारिक राष्ट्रपतिलाई अगाडि सारेर शक्ति केन्द्रको रूपमा स्थापित गर्न खोजेको आरोप लगाउनुभएको छ। एनेकपा (माओवादी) गुण्डु गाउँ कमिटीको प्रथम अधिवेशनको आज यहाँ उद्घाटन गर्दै उनले राष्ट्रपतिलाई शक्तिका रुपमा लिएर जाँदा भोलि देशलाई नै सङ्कट पर्ने दाबी गरे ।

नुवाकोट- एकीकृत नेकपा (माओवादी)का प्रवक्ता अग्निप्रसाद सापकोटाले प्याकेजमा सहमति भएमा नेपाली कांग्रेसको नेतृत्वमा सरकार गठन गर्न सकिने बताएका छन्। एकीकृत नेकपा माओवादी गणेस्थान गाउँ विकास समितिको प्रथम गाउँ अघिवेशनलाई आज यहाँ सम्बोधन गर्दै नेता सापकोटाले पहिचानसहितको सङ्घीयता, सङ्घीयतासहितको संविधान र संविधानसभाबाटै संविधानलगायतका बुँदामा कांग्रेसले सहमति जनाए उसको नेतृत्वमा सरकार...

काठमाडौं- नेपाली कांग्रेसका नेता भीमबहादुर तमाङको पार्थिव शरीरमा प्रधानमन्त्री डा बाबुराम भट्टराईले श्रद्धाञ्जलि दिए। नेता तमाङको ७८ वर्षको उमेरमा आज बिहान निधन भएको थियो। नेपाली कांग्रेस पार्टी कार्यालय सानेपामा राखिएको उहाँको पार्थिव शरीरमा प्रधानमन्त्रीले फूलमाला चढाई भावपूर्ण श्रद्धाञ्जलि अर्पण गरेका हुन्। 

काठमाडौं- नेपाली कांग्रेसको आज बसेको आकस्मिक बैठकले प्रजातान्त्रिक आन्दोलनका योद्धा एवं नेपाली कांग्रेस केन्द्रीय सदस्य भीमबहादुर तमाङको निधनप्रति गहिरो दुःख व्यक्त गरेको छ। जीवनभर जनताको सेवालाई केन्द्रविन्दु बनाउँदै आउनुभएका आदर्श, निष्ठावान नेता तामाङको निधनले प्रजातान्त्रिक आन्दोलनलाई अपूरणीय क्षति पुगेको कांग्रेसद्वारा जारी शोक विज्ञप्तिमा जनाइएको छ।

काठमाडौं- नेकपा–माओवादीले प्रमुख चार दलका नाममा भइरहेको वार्ता र छलफलप्रति आपत्ति जनाउँदै आफ्नो दल तेस्रो ठूलो दल भएको दाबी राष्ट्रपति डा रामवरण यादवसमक्ष प्रस्तुत गरेको छ। माओवादी उपाध्यक्ष सिपी गजुरेल र प्रवक्ता पम्फा भुसालले आज राष्ट्रपति निवास शीतल निवास पुगेर आफ्नो पार्टीमा रहेका विघटित संविधान सभाका ९१ सभासद्को नाम...

काठमाडौं, मंसिर १४- राष्ट्रपति रामवरण यादवले अन्तरिम संविधानको धारा ३८ (१) अनुसार सहमतीय प्रधानमन्त्रीको नाम सिफारिस गर्न फेरि सात दिनको समय दिएका छन् । आज बेलुकी सूचना जारी गरी मंसिर २१ सम्मको नयाँ समय सीमा तोकिएको हो।

काठमाडौं- एकीकृत नेकपा (माओवादी)का अध्यक्ष पुष्पकमल दाहालले दुई–चार दिनभित्रै दलहरुबीच सहमति हुने विश्वास व्यक्त गरेका छन्। नेपाल राष्ट्रिय कर्मचारी सङ्गठन निजामती राष्ट्रिय समितिको दोस्रो महाधिवेशनलाई सम्बोधन गर्दै अध्यक्ष दाहालले भन्नुभयो, “दुई–चार दिन ढिलाछिटो कुरा हो, दलहरुबीच सहमति भएर समस्या समाधान हुन्छ।”

बागलुङ- प्रधानमन्त्री बाबुराम भट्टराईले बाहिर प्रचारमा आएजस्तो शीतलनिवास र बालुवाटारबीच कुनै तिक्तता र असमझदारी नरहेको बताएका छन्। धौलागिरि अञ्चल अस्पतालको उद्‍घाटन कार्यक्रममा प्रतिपक्ष दलहरूलाई लक्षित गर्दै प्रधानमन्त्री भट्टराईले भने, ‘राष्ट्रपतिलाई कार्यकारी अधिकार प्रयोग गर्न कसैले उक्साउँदा समस्या उत्पन्न भएको हो।’