पूर्व प्रतिनिधिसभा सदस्य एवं लोकतान्त्रिक समाजवादी पार्टीका नेता चन्द्रकान्त चौधरी नागरिक उन्मुक्ति पार्टीमा प्रवेश गरेका छन्। पार्टीका संरक्षक रेशम चौधरीले आइतबार चन्द्रकान्तलाई नागरिक उन्मुक्ति पार्टीमा प्रवेश गराएका हुन्।

सप्तरीमा आयोजित एक कार्यक्रमबीच चन्द्रकान्त चौधरीले माला पहिरिएर नागरिक उन्मुक्तिमा प्रवेश गरे। रेशम चौधरीले कोशी प्रदेश र मधेस प्रदेशको प्रमुख सल्लाहकारको भूमिका दिने बताए। कार्यक्रममा नागरिक उन्मुक्तिका नेताहरू चन्द्र कुमार चौधरी र तुल्सी चौधरी पनि सहभागी थिए।

२०७४ को प्रतिनिधिसभा निर्वाचनमा चन्द्रकान्त चौधरी राजपाबाट सप्तरी क्षेत्र नं ३ बाट निर्वाचित भएका थिए। उक्त निर्वाचनमा रेशम चौधरी पनि भूमिगत अवस्थामै कैलाली १ बाट निर्वाचित भएका थिए।