थारु कल्याणकारिणी सभा चितवनको सभापतिमा पुनः ललितकुमार चौधरी निर्वाचित भएका छन्। प्रतिद्वन्द्वी झलक महतो (बिर्जा) र साजन कुमार महतोलाई पराजित गर्दै उनी दोस्रो कार्यकालका लागि सभापतिमा निर्वाचित भएका हुन्।

कूल १०६ मत खसेकोमा चौधरीले ४८ मत प्राप्त गरे। झलक र साजनले १९-१९ मत पाए। त्यस्तै उपसभापतिमा पूर्ण चौधरी र भुवन चौधरी निर्वाचित भएका छन् भने महिला उपसभापतिमा कल्पना पावे सर्वसहमत निर्वाचित भएकी छन्।

त्यस्तै सचिव पदमा सन्तकुमार चौधरी सर्वसहमत निर्वाचित भए भने सहसचिवमा खिलाराज चौधरी निर्वाचित भए। त्यस्तै जिल्ला सदस्यमा ८ जना निर्विरोध निर्वाचित भए।

त्यस्तै महिला केन्द्रीय पार्षदमा चन्द्रकुमारी चौधरी, धञ्जु महतो र सुनिता महतो निर्वाचित भएका छन्। अन्य केन्द्रीय पार्षदमा बासुदेव महतो, विश्राम महतो, अर्जुनप्रसाद चौधरी र डाक्टर मनोज महतो निर्वाचित भएका छन्।