नेपाली कांग्रेसको १४औं महाधिवेशनअन्तर्गत थारु कोटातर्फको खुला केन्द्रीय सदस्यको मतगणना भइरहेको छ। पार्टी कार्यालय सानेपामा भइरहेको पछिल्लो मतपरिणाम अनुसार रामजन चौधरी र योगेन्द्र चौधरीले अग्रता लिएका छन्।

तीन हजार मत गन्दा रामजनमले १६१९ र योगेन्द्रले १४१७ मत ल्याएका छन्। त्यस्तै बद्रीनारायण चौधरीले १०२८ र साजनकुमार महतोले ९०९ मत ल्याएका छन्। थारु खुलातर्फ दुई सिटका लागि ८ जनाले उम्देवारी दिएका छन्।

त्यस्तै थारु महिलातर्फ कल्पना चौधरी र जीवन रानाले अग्रता लिएका छन्। कल्पनाले १६१९ मत र जीवनले १५४९ मत ल्याएका छन्। त्यस्तै नमिता चौधरीले १०६३ र नवोदिता चौधरीले १०२१मत ल्याएका छन्। महिलातर्फ दुई सिटका लागि पाँच जनाले उम्मेदवारी दिएका छन्।