नेपाली कांग्रेसको १४औं महाधिवेशनअन्तर्गत थारु कोटातर्फको खुला केन्द्रीय सदस्यको मतगणना भइरहेको छ। पार्टी कार्यालय सानेपामा भइरहेको पछिल्लो मतपरिणाम अनुसार रामजन चौधरी र योगेन्द्र चौधरीले अग्रता लिएका छन्।

दुई हजार मत गन्दा रामजनमले १०६५ र योगेन्द्रले ९७१ मत ल्याएका छन्। त्यस्तै बद्रीनारायण चौधरीले ६८८ र साजनकुमार महतोले ६३३ मत ल्याएका छन्। थारु खुलातर्फ दुई सिटका लागि ८ जनाले उम्देवारी दिएका छन्।

त्यस्तै थारु महिलातर्फ कल्पना चौधरी र जीवन रानाले अग्रता लिएका छन्। कल्पनाले १०८९ मत र जीवनले १०२४ मत ल्याएका छन्। त्यस्तै नमिता चौधरीले ७२७ र नवोदिता चौधरीले ६८४ मत ल्याएका छन्। महिलातर्फ दुई सिटका लागि पाँच जनाले उम्मेदवारी दिएका छन्।