नेकपा एमालेले प्रतिनिधिसभा समानुपातिकतर्फ थारु समुदायबाट तीन जना थारु महिला छनौट गरेको छ। पूर्वसांसद शान्ता चौधरी, गंगा सत्गंवा थारु र लक्ष्मीकुमारी चौधरीलाई एमालेले थारुको महिला कोटातर्फ छनौट गरेको हो। पुरुषतर्फ भने कुनै थारु समुदायका कोही परेनन्।

शान्ता पहिलो संविधासभामा समानुपातिक सांसद थिइन् भने गंगा दोस्रो संविधानसभामा थरुहट तराई पार्टी नेपालबाट समानुपातिक सांसद् थिइन्। उनी थरुहटबाट नयाँ शक्ति हुँदै चुनावको मुखमा एमाले प्रवेश गरेकी थिइन्। शान्ता र गंगा दुबै दाङ जिल्लाका हुन्। कैलालीकी लक्ष्मी भने पहिलोपटक माननीय बनेकी हुन्।

एमालेले आज ४१ सांसद छनौट गरेको हो। पार्टीले प्राप्त गरेको सिट संख्या अनुसार समावेशी समूह मिलाएर निर्वाचन आयोगसमक्ष पठाइएको एमालेले जनाएको छ ।

आइतबकार पार्टी केन्द्रीय कार्यालय धुम्बाराहीमा बसेको स्थायी कमिटी बैठकले तय गरेको ४१ जनाामा मुकुन्द न्यौपाने एक नम्बरमा छन् । अन्तिम ४१ औं नम्बरमा समिना हुसेनको नाम छ । एमालेबाट पुरुषतर्फ चारजना परेका छन् भने ३७ जना महिला परेका छन् ।