कृष्ण समर्पण
सिकल सेल र्वाग विश्व भर ओ नेपालम देखा पर्लक एक प्रकारक बँशाणुगत रोग हो।नेपालम यी रोग ह हँसिया रक्तकोष रोग कैख चिन जा जाईट।बँशाणुगत ओ जिनसे सम्बन्धित रोग दाई बाबान्से लर्कावनम हुईना हुईथा। यी सरुवा रोग नि होक, बँशाणुगत रुपम दाई बाबान मसे लर्कावनम पुग्ठा।नेपाल म ढ्यार मननै यि रोग लागल रलक सम्भाबना रलसेफे ढ्यार मनै यी रोगक बारेम आम्हिन सम आबश्यक जानकारी नि पाईल हुईट।
नेपालम ५ साल आघ यि रोग देखा परल रह। नेपालम यी रोगक पत्ता लगुईया डक्टरुवा राजन पाण्डे हुईट। श्ाुरुक अध्ययनम यी रोग नेपालक थारु जातिनम लागल हुँकाहार सोधम देखा गैल रह। थारुहुँक्र धर्ति पुत्र हुईत। पहिल थारु हुँक्र बन्वाँ फँर्ल ,मच्छर किटपटिङ्गसे कत्वा पैल,उपचार नि पैल,रोग पचैटि गैल व उह रोग सिकल सेल रोगक रुपम बिकाश लिहल कना गलत धारणा व थारुहुँक्र सुरिक सिकार खैठ उहमार असिन सोग लग्लिन कना गलत धारणा फे समाजम पा जईथा तर यी सक्कु बाटमन कौनो सत्यता नि हो।
उहफे बिशेष कैख थारु जातिनम देखपर्लक यी रोग आजकाल और जातिन मफे देखा पर्टि बा। दाङ्गम करगैलक एक परिक्षणम यि रोग ढ्यार जैसिन थारु जातिनम देख पर्लसेफे,परियार,मगर मफे डेख परल बा। यी रोग लागल बिरम्या हुकन सक्रमणसे बचक लाग ओ दुखाईसे बचक लाग बिरुवा खाई पर्ना आबश्यक रठा।
यी रोगसे सक्रमित बिरम्या कत्राजे बाट कना एकिन तथ्याङ्गक नि रलसेफे यि रोग ढ्यार जाहानम रह सेक्ना एक अध्ययनम पा गैल रह। दाङ्ग जिल्लाक देउखर उपत्यकाम सि.पि.नेपालसे यि रोगक बारेम अध्ययन,परिक्षणम कै गैल रह। उक्त अध्ययन,परिक्षण देउखर उपत्यकाक ३ हजार ४३ जहनम करबेर १३३ जहनम सिकल सेल रोग लागल पागैल रह। वस्तहक दाङ्गक राप्ती उपक्षेत्रिय अस्पतालक तथ्याङ्गक हेर्ना हो कलसे आब ६९ जे बिरम्याहुक्र यी रोगक नियमित उपचार करैटि बात। यी रोगक उपचारम नेपाल सरकारसे १ लाख सम्मके उपचार खर्च निशुल्क पाजैठा।
हँसिया रक्तकोष रोग कलक का हो?
हँसिया रक्तकोष रोग एक प्रकारक बँशाणुगत रोग हो। यि रोग दाई बाबानमसे लर्कावनम हुईथा। हमार शरिरम सामन्य अबस्थम लाल (रातो) रक्तकोष गोल आकारक रठा तर हँसिया रक्तकोष रोग लग्लसे यि लाल रक्तकोष गोल आकारक नि होक हँसिया आकारक ओ एकदम आँख्खर फे रठा। याकर कारण रक्तकोष बर्ह्यागसे बैठ नि पैईना,शरिरके रक्त सञ्चारम अबरोध कर्ना ओ शरिरक बिभिन्न अँगम अक्सिजन पुग नि स्याकट। ज्याकर कारण ब्याला ब्याला शारिरीक दुखाई हुईना ओ बिरामि पर्ना हुईथा।
हँसिया रक्तकोष कसिक लागट?
हँसिया रक्तकोष रोग पारिवारिक रुपम आघ बहर्था का करकि यि मानब शरिरम रहल जिनके कारणसे हुईट। जिन कलक शिरिरम रहल एकठो असिन तत्व हो जुन बँशाणुगत गुण,शारिरक बनावट,आँखीे रङ्ग ओ ढ्यार चिजक निर्धारण ओ नियन्त्रण करट। हँसिया रक्तकोष रोग ध्यार प्रकारक बा, यि रोगक सब्से जोखिम अबस्था कलक हँसिया रक्तकोष रोगके कारण मानब शरिरम हुईना रगतके कमि हो।ढ्यार मनैनम यि रोग लाग्ाल रलसेफे नि देख पर्ठन तर हुँक्र यि रोगक बाहक रठ। बाहक कलक हुँकहनके म यि रोगक जिन रठिन ओ पाछ लर्कावनम देख पर्ठन।
यदि ठरुवा ओ जन्निकम डुनु किसिमक जिन बाटिन अर्थाट जिन (क) जुन असामान्य अर्थात हँसिया रक्तकोष बनाईट ओ जिन (ख) अर्थात सामान्य रक्तकोष बनाईट कलसे उ डुन ठरुवा ओ जन्नि ह बाहक क जाईठ।लर्का बच्चन तब केल हँसिया रक्तकोष रोग लग्ठिन जब हुक्र दाई बाबा डुनु जाहनसे असामान्य (क) प्रकारक जिन पैईठ। यदि दाई ओ बाबा डुनु जान्ह हँसिया रक्तकोष रोगक बाहकबाट कलसे यात हँसिया रोगी,या बाहक या स्वस्थ जन्म सेक्थ।उ बच्चानम किउ बाहक बाट कलसे समान्यतया बच्चा स्वस्थ रठ तर किहु किहु भर ,पिडा संक्रमण या उर लक्ष्यण देख पर्थ।तर हुँकहनके बच्चनम भर रोग पुग्ा सेक्ठन।
हँसिया रक्तकोष रोग कसिक पत्ता लगैना?
अप्ने हँसिया रक्तकोष रोगके रोगी हुईटि कि नाई कैक पत्ता लगाईक लाग रगतक परिक्षण कराई पर्ठा।हेमोग्लोबिन इलेक्टा्रेफोरेसिस (एक प्रकारक रगत परिक्षण) करैलसे अप्नकम हँसिया रक्तकोष रोग बा कि नाई कैक पत्ता लागट यि करैलसे अप्ने बाहक हुईटि कि नाई कना फे पता लागट।
याद करि अप्न आपन कौनो फे उमेरम हँसिया रक्तकोष रोगके चेक जाँच कराए सेक्ठि। यि परिक्षण बच्चा,युबा या बुढेसकालम कौनो फे उमेरम करैलसे फे हँसिया रक्तकोष जान पाजैठा। रगतक परिक्षणसे अप्न बाहककेल हुईटि कलसेफे आपन गोसिन्या,लर्का बच्चन व घर परियार सक्कु जाहानक परिक्षण कर्ना आबश्यक रठा।स्याकट सम्म बच्चा जन्मैनासे पहिल डाक्टरके सल्लाह अनुशार रगत परिक्षण करैलसे बर्ह्याठ हुईठा। असिक कर्लसे हँसिया रक्तकोष रोग अईना सन्तति हुकहनकेम लाग नि पैठिन।
हँसिया रक्तकोष रोग लग्लसे कसिन लक्षण डेखा पर्ठा?
हँसिया रक्तकोष रोग लग्लसे सामान्यतया निम्न लक्षण डेख पर्ठा;
१.दुखाईके समस्या— हँसिया रक्तकोष रोग लागल मनैनम हाड जोर्नी बथैना व प्याट बथैना फे हुईथा।दुखाई नम्मा समयसम रना फे हुईथा।
२.ढ्यार रोग लग्ना— हँसिया रक्तकोष रोग लागल बिशेष कैख बच्च्ान रुघाखोकी लग्ना,मेनेन्जाईतिस(दिमागके वा ढाडक हड्डीम लग्ना रोग),हेपाटाईटिस(कलेजोके रोग) लग्ना फे हुईथा।
३.हात ग्वारम डेख पर्ना लक्षण— हँसिया रक्तकोष रोग लग्लसे शरिरम रगतके सञ्चारम बाधा पुग्नाके कारणसे हात ग्वारा सुन्निना ओ जरो अईना हुईथा।
४.जन्डिस हुईना— नेपालक ढ्यार जैसिन हँसिया रक्तकोष रोग लागल मनैनम जन्डिस लागल पागिल बा। जन्डिस हुईलसे आँखि,नङ्ग व छाला हरड्यार हुईना हुईठा।
५.आँखिक रोग लग्ना— यी रोग लग्लसे आँखिक रक्तकोषिकाम नोक्सान पुग्ना हुईना हुईलकमार आँखिक रोग व आँखिम ढ्यार समस्या आई स्याकट।
६.छातिम ढ्यार पिडा हुईना— हँसिया रक्तकोष रोग लग्लसे फोक्सोम रगतक बहाबम रुकावट हुईना कारणलेक छातिम तिब्र पिडा हुईना हुईठा।यी रोगक लक्षण निमोनिया रोगक जसिन रलसेफे छातिके दुखाई,खोकी,साँस प्ा्केर्ना गाहा्रे हुईना हुईथा। असिन हुईलसे अस्पतालम उपचार कराए पर्ठा।
६.पक्षघात हुईना— हँसिया रक्तकोष रोग लग्लसे दिमागम रगतक बहाबम रुकावट हुईना कारणलेक पक्षघात हुईना हुईठा।
डक्टरुवासे सम्पर्कम रना—
यी बात एकदम महत्वपुर्ण हो कि यि रोग हुईल कौनो फे मनै कौनो फे ब्याला या आपतकालिन अबस्था आई सेक्था, उहमार तत्काल सहयोग पाईसेक्ना सुबिधाके ब्यबस्था कर पर्ठा।याकर लाग नियमित डक्टरुवक सम्पर्कम रह पर्ना जरुरी रठा।यदि जर १०३ डिगी्रसे ढ्यार हुईल,साँस लिह गाहो्र हुईल,छातिम दुखाई हुईल,तरक प्याट दुखल कलसे,ढ्यार मुन्टा बठाईल कलसे या अचानक कमजोर हुईना या चेतना गुमैलसे तत्काल अस्पतालके आपत्कालिन कक्षम पुग पर्ठा,ओ डक्टरुवासे उपचार कराए पर्था।
हँसिया रक्तकोष रोगके उपचार
हँसिया रक्तकोष रोगके उपचार के उद्धेश्य कलक यि रोगसे हुईना पिडा ह जो समाधान कर्ना हो। यी रोगके उपचार बिरामिनके लक्षणअनुसार कर जैठा। याकर उपचारम रगत चरैह्ना,स्लाईन पानी चरैह्ना,दुखाई ठिक पर्ना औषधि खैना ओ कबुकाल डक्टरुवक सल्लहअनुसार फोलिक एसिड,पेन्सिलिन व हाईड्रोक्ष्युरिया जसिन औषधिफे खाई पर्ठा। यी रोगके उपचार करैलसे बिरम्या पुर्ण रुपम निको निहुईलसेफे रोगक रोकथाम भर हुईठा।
(स्रोतःसिकल सेल सोसाईटि नेपाल)