उदयपुरको त्रियुगा नगरपालिका-९ गैरुनमा आइतबार दिउँसो मोटरसाईकल र्दुघटना हुँदा एक जनाको ज्यान गएको छ। मदन भण्डारी राजमार्गअन्तर्गत गाईघाटबाट राजावासतर्फ जाँदै गरेको स८प ६६९५ नम्बरको मोटरसाइकल आफैं अनियन्त्रित भएर आइतबार दिउँसो ३:२० बजे दुर्घटनामा परेको हो।

जिल्ला प्रहरी कार्यालयका सूचना अधिकारी डीएसपी राजन चापागाईका अनुसार दुर्घटनामा चालक त्रियुगा नगरपालिका-५ देउरीका ३५ वर्षीय इन्द्रदेव चौधरीको ज्यान गएको हो। दुर्घटनामा गम्भीर घाइते भएका उनको जिल्ला अस्पतालमा उपचारकै क्रममा दिउँसो ४:३० बजे ज्यान गएको उनले बताए। घटनाको थप अनुसन्धान भइरहेको प्रहरीले जनाएको छ।

मोटरसाइकल तीव्र गतिका कारण दुर्घटना भएको स्थानीय प्रत्यक्षदर्शी मनोज कार्कीले बताए। अनुहार र दाहिने खुट्टामा गम्भीर चोट लाग्नुकासाथै बोल्न नसक्ने अवस्था स्थानीयले उद्धार गरी जिल्ला अस्पताल पठाइएको उनले बताए।