बीरगन्जमा अवस्थित थारु छात्राबासको अध्यक्षमा शेखर चौधरी चयन भएका छन्। शनिबार सम्पन्न साधारणसभाले चौधरीको अध्यक्षतामा ११ सदस्यीय नयाँ कार्यसमिति निर्विरोध चयन गरेको हो।

कार्यसमितिमा ललिता चौधरी उपाध्यक्ष, अमृतलाल चौधरी सचिव, हिर्दय नारायण चौधरी कोषाध्यक्ष तथा सदस्यहरूमा वेदमन दास थारु, कमल महतो थारु, दिपेन्द्र प्रसाद चौधरी, जगनारायण प्रसाद चौधरी, मिना कुमारी चौधरी, ढोढाई चौधरी र अनुठा धामी निर्वाचित भएका छन्।

छात्राबासको नयाँ नेतृत्वले सामुदायिक हितमा काम गर्ने संकल्प गर्दै थारु समुदायको शैक्षिक र सामाजिक विकासमा योगदान पुर्‍याउने योजना अघि सारेको छ। नव निर्वाचित अध्यक्ष शेखर चौधरीले छात्राबासको संरचनात्मक र प्रशासनिक सुधारमा विशेष ध्यान दिने र थारु विद्यार्थीहरूका लागि शैक्षिक अवसरहरू थप विस्तार गर्न कदम चाल्ने प्रतिबद्धता व्यक्त गरे। कार्यक्रमको समापनमा, सहभागीहरूले समुदायको उत्थानका लागि शिक्षा र जागरुकतामा ध्यान केन्द्रित गर्नुपर्नेमा सहमति जनाउँदै, एकताबद्ध भएर अगाडि बढ्न आह्वान गरे।