चितवनको पर्यटकीय नगरी सौराहा डुबानमा परेको छ। राप्ती नदी किनारमा रहेका रेष्टुरेण्ट र आसपासका होटल डुबानमा परेका छन्। राप्ती नदी, बढुी राप्ती, ढुङ्गे खोला र चित्रसारी पुलले सौराहा घेरिएको छ।

अत्यधिक वर्षाका कारण आएको बढीले सौराहा डुबेको हो। बाढीको खतरा देखेपछि ब्यवसायीले सामान भने सुरक्षित स्थानमा सारेका थिए। करिब दश वटा रेष्टुरण्टले नदी किनारमा बनाएको मचान बगाएको छ। बाढीका कारण नदी क्षेत्रमा मात्रै डुबानमा परेको क्षेत्रीय होटल संघका पर्व सचिव दामोदर रेग्मीले बताए।

अहिले वर्षा रोकिएका कारण केही कमी भएको छ। राप्ती नदीमा ड्याम लगाएको भए पनि पानीको बहाब बढेका कारण बाढी आएको हो। बाढीले समान्य क्षति पुर्‍याएको रेवा सौराहाका पूर्व अध्यक्ष दपेन्द्र खतिवडाले बताए।

सौराहामा पर्यटक भने सुरक्षित छन्। नदी किनार डुबानमा भए पनि सौराहा सुरक्षित रहेको क्षेत्रीय होटल संघका महासचिव गुणराज थपलियाले बताए।