थारु गायक खेम चौधरीले आसन्न स्थानीय तह निर्वाचनमा स्वतन्‍त्र उम्मेदवारी दिएका छन्। थारु सांगीतिक क्षेत्रमा एक दसकदेखि सक्रिय रहेका उनले कपिलवस्तुको बाणगंगा नगरपालिका वडा २ को वडाध्यक्ष पदका लागि उम्मेदवारी दिएका हुन्।

‘१० वर्षे थारु गीत सांगीतिक निरन्तरता साथै युवाहरुको प्रतिनिधित्व गर्दै कपिलवस्तु जिल्ला बाणगंगा नपा-२ वडाअध्यक्ष पदको लागि स्वतन्त्र उम्मेदवारको रुपमा दर्ता गरियो,’ उनले भनेका छन्। उनले जनप्रतिनिधि भएर गाउँ समाजको विकास र सेवा गर्न उम्मेदवारी दिएको बताए।