नेकपा एमालेले प्रदेशतर्फ समानुपातिक सांसदको टुंगो लगाएको छ। पार्टी अध्यक्ष केपी शर्मा ओली निवास बालकोटमा बिहीबार बसेको स्थायी कमिटी बैठकले ७५ जना समानुपातिक सांसदको टुंगो लगाएको हो।

एमालेले १ नम्बर प्रदेशमा १५ जना, २ नम्बरप्रदेशमा ७ जना, ३ नम्बर प्रदेशमा १६ जना, ४ नम्बर प्रदेशमा १० जना, ५ नम्बर प्रदेशमा १३ जना, ६ नम्बर प्रदेशमा ६ जना र ७ नम्बर प्रदेशमा ८ जना सांसद पाएको थियो।

एमालेबाट १ प्रदेशमा उदयपुरबाट सुनिताकुमारी चौधरी, ५ प्रदेशमा बर्दियाकी कृष्णी चौधरी र दाङकी धमकली चौधरी र ७ प्रदेशमा चुनकुमारी चौधरी छन्।