संशोधन गरिने संविधानमा नवलपरासीलाई अखण्ड राख्नुपर्ने माग राख्दै थारु कल्याणकारी सभाले प्रधानमन्त्री समक्ष शुक्रबार ज्ञापनपत्र पठाएको छ। नवलपरासी जिल्लालाई नटुक्रयाई नवलपुर क्षेत्रलाई प्रदेश नं ५ मा राख्न माग गर्दै सभाले जिल्ला प्रशासन कार्यालय मार्फतसो ज्ञापनपत्र पठाएको हो।

प्रादेशिक सिमाना गर्दा थारु बाहुल्य रहेको नवलपुर क्षेत्रलाई प्रदेश नं ५ मा नराखी यसअगावै प्रदेश नं ४ मा राखिए पनि यस पटक संशोधन गर्दा प्रदेश नं ५ मा राख्नुपर्ने माग सभाले राखेको छ। चितवनदेखि पश्चिम मधेसलाई थरुहट प्रदेश बनाउनु पर्ने माग पनि सभाको छ।