थारु महिला सभाको राष्ट्रिय भेला सिरहामा हुने भएको छ। सभाको केन्द्रिय समिति बैठकले पुस ११ र १२ गते राष्ट्रिय भेला गर्ने निर्णय गरेको हो। राष्ट्रिय भेलामा थारु महिला सभाका केन्द्रीय कार्यसमितिका सम्पूर्ण पदाधिकारी तथा सदस्यहरुको उपस्थित हुने बताइएको छ। त्यस्तै तराईका सम्पूर्ण जिल्लाबाट पाँच पाँच जनाका दरले प्रतिनिधिहरु सहभागी हुनेछन्।

भेलाको उद्‍घाटन समारोहमा थारु कल्याणकारिणी सभाका केन्द्रीय पदाधिकारीहरुको सहभागिता रहने सभाले जनाएको छ। भेलाले थारुहरुको जारी आन्दोलनलाई अझ ससक्त र उचाईमा पुर्‍याउन विभिन्न महत्वपूर्ण प्रस्तावहरु पारित गर्ने सभाले जनाएको छ।

‘थारु आन्दोलनलाई थप ऊर्जा दिनका लागि राष्ट्रिय भेला बोलाइएको हो,’ महिला सभाकी हरि देबीले भनिन्, ‘भेलाले विभिन्न छलफल र प्रस्ताव पारित गर्नेछ।’